لاہور۔23جون(اے پی پی)وزیر اعلی پنجاب حمزہ شہباز شریف دی زیر صدارت صوبائی کابینہ دا اجلاس تھئے جیندے اچ 11 ٹول پلازے مکاوݨ سودھا قیدیاں کیتے پرزن وین ہوا دار ٻݨاوݨ اتے کݨک ریلیز پالیسی اچ ݙو مہینے دی توسیع دی منظوری ݙتی اتے کابینہ کمیٹی برائے کݨک ٻݨاوݨ دا وی آکھیے جیندے اڳواݨ صوبائی وزیر خوراک ہوسن۔ اجلاس اچ پراونشنل اسمبلی آف دی پنجاب استحقاق بل 2022 وی منظور کیتا ڳئے اتے پراونشنل اسمبلی آف دی پنجاب سیکرٹریٹ سروس بل 2022 منظور تھئے۔ پنجاب کابینہ پولیس کیتے آپریشنل گاڑیاں ڳھنݨ دے فیصلے دی توثیق کیتی۔
