سیالکوٹ ۔ 6 اکتوبر (اے پی پی) وزیراعظم دی معاون خصوصی برائے اطلاعات ڈاکٹر فردوس عاشق اعوان آکھیے جو اساں مظلوم کشمیریاں دی جنگ لڑدے راہسوں،سیالکوٹ دے لوک وزیراعظم عمران خان دے سفیر اتے وکیل بنڑ تے کشمیریاں دی آوازہین،ورکنگ باﺅنڈری تے سینہ ٹھوک تے بھارت دے ہر حملے دا جواب ڈیندے رہسوں، دسمبر 2019ءاچ غربت سروے مکمل تھیونڑ توں بعد بئے لوکاں کوں وی صحت انصاف کارڈڈتے ویسن۔ انہاں آکھیے جو وزیراعظم عمران خان معاشرے دے ہینڑے لوکاں کوں خوشحال بنڑاونڑ چاہندن، صحت انصاف کارڈ وزیراعظم دے غریباں کوں انہان دے در تے انصاف ڈیونڑ دے وعدے دی تکمیل اے۔ اے گالھ انہاں سیالکوٹ اچ صحت انصاف کارڈڈیونڑ دی تقریب نال خطاب اچ آکھی۔ڈاکٹر فردوس عاشق اعوان آکھیے جو صحت کارڈ نال پورے پاکستان اچ سماجی انقلاب آسی،آندے ڈیڈھ سال اچ 2کروڑلوک صحت کارڈتوں فیدہ چیسن،حقدار تئیں حق پچاونڑ تحریک انصاف دی ترجیح اے، صحت اصلاحات پروگرام پنجاب وی ایویں ہی شروع کیتا گئے،وزیراعظم لوکاں دے خواب پورے کریسن۔ڈاکٹر فردوس عازق اعوان آکھیے جوسیاسی لٹیریاں معاشرے اچ کرپشن داوائرس پھیلا تے ملک رج لٹیے،وزیراعظم لٹیراں کوں جیل اچ سٹ تے لٹیا مال ولا گھنڑاچ لگے ہوئن،ملکی معیشت سیدھے رستے تے آ گئی اے،مہانگ اتے بیروزگاری مکاونڑکیتے کم تھیندا پئے۔
