اسلام آباد۔3فروری (اے پی پی):وزیر داخلہ شیخ رشید احمد پنجگوراتے نوشکی اچ سکیورٹی فورسزدے کیمپاں تے دہشت گردحملیں دی مذمت کریندے ہوئیں آکھیے جو اساݙی سکیورٹی فورسز الحمداللہ کہیں وی قسم دی دہشت گردی دا مقابلہ کرݨ دی بھرپور صلاحیت رکھیندی اے ۔ خمیس کوں وزارت داخلہ توں جاری بیان موجب وزیر داخلہ دہشت گرداں دے حملیں کوں پسپا کرݨ تے سکیورٹی فورسزکوں خراج تحسین پیش کیتے ۔ انہاں آکھیے جو اساݙی سکیورٹی فورسز الحمداللہ کہیں وی قسم دی دہشت گردی دا مقابلہ کرݨ دی بھرپور صلاحیت رکھیندی اے ،دہشت گردی مکاوݨ اچ سکیورٹی فورسز دے عزم اتے حوصلے کوں خراج تحسین پیش کرینداں ۔ وزیر داخلہ آکھیے جو اساݙی سکیورٹی فورسز دہشت گرداں کوں کہیں وی صورت کامیاب نی تھیوݨ ݙے سڳدی ۔
