اسلام آباد ۔ 16 اگست(اے پی پی) سپیکر قومی اسمبلی سردار ایاز صادق پہلی ینگ پارلیمنٹرینز سارک کانفرنس دے شرکاء دا خیر مقدم کریندے ہوئیں خطے دے ملکاں دے زور ڈتا جو او پر امن ہمسائیگی دے تصور دے بغیر امن تے ترقی داخواب پورا نی تھی سگدا ،ایں سانگے خطے دے ملکاں کوں آس اچ بھرپی دے ودھارے کوں ودھاونڑ سانگے اگی تے ودھنڑ اں ہوسی جیں سانگے خطے دے ملکاں وچال عوامی سطح دے رابطے اتے جمہوری اقدار کوں مستحکم بنڑ تے اہدا ف حاصل کیتے ونج سگدے ہن ،جمہوریت دا مطلب ہی ایہو ہے جو اختلاف رائے کوں مذاکرات دے ذریعے اتفاق رائے اچ تبدیل کیتا ونجے ۔منگل کوں اتھاں ترقی دے سانگے امن تے بھرپی دے موضوع تے پہلی سارک ینگ پارلیمنٹرینز کانفرنس دے افتتاحی اجلاس توں خطاب کریندے ہوئیں سپیکر قومی اسمبلی سردار ایاز صادق آکھیا جو پاکستان دی قومی اسمبلی دیاں 342سیٹاں اچوں 70تے نینگر پارلیمنٹرینز منتخب تھئے ہن ۔انہاں آکھیا جو تریمت ارکان پارلیمنٹ دی کاکر دگی دی خاص طور تے تعریف کیتی ۔انہاں جنوبی ایشیا ئی ملکاں دی تنظیم سارک دے نینگر پارلیمنٹ دے رکناں کوں خوش آمدید اکھیندے ہوئیں آکھیا جو اجوکے سال نومبر اچ اسلام آباد اچ کانفرنس منعقد تھیسی ۔خطے دے ملکاں کوں سانجھے چیلنج نال نبڑنڑ سانگے انہاں دے فورمز دے ذریعے اساکوں رل تے حل تلاش کرنڑاں ہوسی ۔جمہوریت دا مطلب ہی اے ہے جو اگر اختلاف رائے پاتا ویندے تاں مذاکرات دے ذریعے اتفاق رائے پیدا کیتا ونجے ۔سپیکر سردار ایاز صادق ینگ پارلیمنٹرینز دے اجلاس دے خواب کوں تعبیر ڈتی، خطہ دے ملکاںدے ینگ پارلیمنٹرینز کوں ہک ڈوجھے نال ملنڑ دے نال نال خطے دی چنگائی ‘ ترقی تے خوشحالی سانگے رل تے کم کرنڑ دا موقع ملسی جیں نال جنوبی ایشیا دے مستقبل تے چنگے اثرات تھیسن۔انہاں آکھیا جو خطے دے ینگ پارلیمنٹرینز کوں چاہیدا ہے جو خطے دے ملکاں دے عوام دی ترقی خوشحالی تے پسماندگی کوں پرے کرنڑ دے حوالے نال اپنڑاں کردار ادا کرن ۔سارے ملک ہک ڈوجھے دے تجربیں توں فائدہ چا سگدے ہن ۔یورپی یونین دے پاکستان اچ سربراہ مسٹر سٹیفانو آکھیا جو یورپی یونین خطے اچ جمہوری اقدار کوں مستحکم بنڑاونڑ چاہندے۔واضح رہے جو پہلی سارک ینگ پارلیمنٹرینز کانفرنس اچ بھارت’ افغانستان’ بنگلہ دیش’ بھوٹان’ مالدیپ’ سری لنکا’ نیپال دے پارلیمنٹرینز اتے وفد شریک ہن۔ پاکستان ولوں قومی اسمبلی دے رکن ملک عزیر خان کوں گھٹ عمر ترین پارلیمنٹرین ہوونڑ دی وجہ توں کانفرنس دا کنوینئر مقرر کیتا گیا ہے۔ کانفرنس (اج) بدھ کوں مک ویسی جیں دے بعد سانجھا اعلامیہ جاری کیتا ویسی ۔
.jpg)
