اسلام آباد ۔ 20 جولائی (اے پی پی) وفاقی وزیر تعلیم و پیشہ وارانہ تربیت شفقت محموددی زیر صدارت یکساں قومی نصاب بارے جائزہ اجلاس تھئے جیندے اچ یکساں نصاب کیتے ہنڑ تئیں دی پیشرفت داجائزہ گھدا گئے۔ وفاقی وزیرآکھیا جے تئیں پاکستان اچ طبقاتی خلیج موجودرہسی او تئیں ہک قوم اتے متحدہ پاکستان دا خواب پورا نئیں تھی سگدا،ہکوقومی نصاب سارے طبقات کوں کٹھا کرنڑ اچ کردارادا کرسگدے، قو می نصاب یورپ دے ترقی یافتہ ممالک سودھا ایشیائی ملکاں اچ وی چلدا پئے جین دامعیار عالمی پیمانے دے مطابق ہوسی،ایندے نال سادے بالاں دی استعداد ودھاونڑ،فطری صلاحیتاں کوں اگونہا کرنڑ اچ مدد ملسی۔ انہاں آکھیا جو یکساں قومی نصاب بارے ہرپیشرفت سارے صوبیاں اتے بئے فریقان کوں دسائی ونجے اتے مہینے اچ ڈو واری اجلاس رکھیے ونجن۔
