اسلام آباد – 18 آڪٽوبر (اي پي پي) وزيراعظم شاهد خاقان عباسي چيو آهي ته حڪومت ملڪ ۾ هر سطح جي چونڊيل جمهوري ادارن جو احترام ڪري ٿي، بلدياتي ادارن جو ملڪ جي ترقي ۾ اهم ڪردار آهي، گڏيل جمهوريت ئي جمهوري استحڪام جي ضمانت آهي، ڪراچي کي امن ۽ خوشحالي جو گهوارو بڻائڻ اسان جو گڏيل هدف آهي. هن اها ڳالهه اربع ڏينهن ايم ڪيو ايم پاڪستان جي وفد سان ڳالهائيندي چئي جنهن ڊاڪٽر محمد فاروق ستار جي قيادت ۾ وزيراعظم سان وزيراعظم آفيس ۾ ملاقات ڪئي. وزيراعظم آفيس طرفان جاري بيان موجب اجلاس ۾ ڪراچي ۽ حيدرآباد جي حوالي سان وزيراعظم جي ترقياتي پيڪيج جو جائزو ورتو ويو ۽ فيصلو ڪيو ويو ته فنڊ جاري ڪرڻ کي هلندڙ مهيني ۾ يقيني بڻايو ويندو ۽ منصوبن تي فوري طور تي ڪم شروع ڪيو ويندو
