اسلام آباد۔25دسمبر (اے پی پی):صدر مملکت ڈاکٹر عارف علوی آکھیے جو قائداعظم دے ایمان، اتحاد اتے نظم دے اصولاں تے عمل کرتے اساں پاکستان ک??ں مضبوط اتے ترقی یافتہ بݨا سڳدوں، ٻال اساݙے مستقبل دی قیادت ہن انہاں کوں ہمیشہ سچ بولݨ، امانت اچ خیانت نہ کرݨ، والدین اتے استاداں دی عزت کرݨ، ݙوجھے مذہب دے لوکاں دے نال چنڳاں ورت ورتا کرݨ اتے خصوصی ٻالاں نال محبت دی نصیحت کریندوں ، پاکستان دے خاندانی نظام دی مضبوطی ساݙے ملک دا سوہݨا ستون اے، اساکوں ای??کو?? ٻیا تکڑا بݨاوݨا اے ، ہفتے کوں قائداعظم محمد علی جناح دی سالگرہ دی مناسبت نال ایوان صدر اچ قائد اتے ٻال دے عنوان توں خصوصی تقریب دا انعقاد کیتا ڳیا۔ ایں موقع تے ٻالاں سو??ݨے ملی نغمے پیش کیتے جیں اچ چارے صوبیں، گلگت بلتستان اتے کشمیر دی ثقافت دی عکاسی ک??تی ڳئی ہئی جݙاں جو ہونہار ٻالاں یوم قائد دی مناسبت نال انہاں دے تاریخی کارنامیں کوں اجاگر کیتا ۔ ایں موقع تے خاتون اول بیگم ثمینہ علوی وی موجود ہن جݙاں جو صدر مملکت اتے خاتون اول ٻالاں دے نال رل تے قائداعظم دی سالگرہ دا کیک وی کٹیا۔ ڈاکٹر عارف علوی یوم قائد تے مبارخ ݙیندے ہوئیں آکھیے جو ہر سال 25 دسمبر کوں ایوان صدر اچ ایں تقریب دا انعقاد کیتا ویندے اڄ دے ٻالاں دے نال او ایں تقریب تو چس چاتی اے ، ٻالاں آپݨی تقریر اچ چنڳے انداز نال پاکستان دے قیام اتے قائد دی جدوجہد کوں اجاگر کیتے جݙاں جو انہاں دی معصومانہ ڳال توں اساکوں اے تصور ملیے جو آزادی کتنی وݙی نعمت اے ، لوک ایں کیتے سینکڑوں سال جدوجہد اتے مصیبتاں سہندن ۔ صدر مملکت آکھیے جو آزادی ساریں توں قیمتی چیز اے، اے ٻال ساݙے مستقبل دی قیادت ہن، انہاں دی عمر کھیݙݨ دی اے ، قائداعظم ھک چنڳے کھلاڑی ہن لیکن انہاں دی والدہ انہاں کوں اے نصیحت کریندی ہئی جو پڑھسو لکھسو تاں وݙے آدمی بݨسو ، قائداعظم کوں ٻالاں نال ودھ ساری محبت ہئی ، ہمیشہ سچ بولݨ ملک دی لوڑھ دی لوڑھ اے ھک ݙوجھے نال سچ بولݨا اے ایہا نصیحت ساݙے پیغمبر ﷺدی ہئی جݙاں وج قائداعظم وی سچ بولݨ تے محنت دی لوڑھ تے زور ݙتا ، پاکستان اچ جے اے ݙوچیزاں اے آونڄن تاں ملک مضبوط بݨسی ۔ انہاں اپݨی تقریر دا اختتام ایں دعا دے نال کیتے جݙاں تئیں اے دنیا باقی اساں ݙیکھسوں آباد تیکوں ، سوہݨی دھرتی اللہ رکھے قدم قدم آباد تیکوں۔
