اسلام آباد۔ 20 جون (اے پی پی) پاکستان یورپی یونین مذاکرات دا کھنڈݨ توں روکݨ اتے تخفیف اسلحہ تے پنجواں دور اسلام آباد وچ تھیا۔ دفتر خارجہ توں جاری بیان موجب یورپی یونین اتے پاکستان بین الاقوامی اتے علاقائی امن، سلامتی اتے سٹریٹجک استحکام متعلق امور تے ڳالھ مہاڑ کیتی۔ڳالھ مہاڑ وچ تخفیف اسلحہ اتے کھنڈݨ توں روکݨ دے مختلف پہلواں خاص طور تے اقوام متحدہ دی جنرل اسمبلی دی فرسٹ کمیٹی دے ایجنڈے، تخفیف اسلحہ دی کانفرنس اتے مختلف بین الاقوامی تخفیف اسلحہ کنونشنز بشمول حیاتیاتی ہتھیاراں دے کنونشن (بی ݙبلیو سی)، کیمیائی ہتھیاراں دے کنونشن (سی ݙبلیو سی) دے حوالے نال امور تے وی توجہ ݙتی ڳئی۔ بیان موجب ایں دے علاوہ مذاکرات برآمدی کنٹرول دے اڄوکے رجحانات دا جائزہ گھدا اتے عالمی سلامتی تے ابھردیاں ہوئیاں ٹیکنالوجیز دے مضمرات دا جائزہ ڳھدا۔کھنڈݨ توں روکݨ اتے تخفیف اسلحہ تے پاکستان-یورپی یونین ڈائیلاگ یورپی یونین اتے پاکستان وچال وسیع تر مشغولیت دا ہک لازمی حصہ اے۔ انہاں ایں کوں سلامتی و استحکام اتے ہتھیاراں دے کنٹرول، تخفیف اسلحہ اتے کھنڈݨ توں روکݨ دے مسئلیں تے تعمیری مشغولیت کیتے ہک اہم پلیٹ فارم دے طور تے تسلیم کیتا۔ فریقین 2026 وچ برسلز وچ مذاکرات دے چھیویں دور دے انعقاد تے سانجھا اتفاق کیتا۔ ایڈیشنل سیکرٹری خارجہ آرمز کنٹرول، تخفیف اسلحہ اتے بین الاقوامی سلامتی طاہر اندرابی پاکستانی وفد دی قیادت کیتی جݙاں جو یورپی یونین دے خصوصی ایلچی کھنڈݨ توں روکݨ اتے تخفیف اسلحہ اسٹیفن کلیمنٹ یورپی یونین دے وفد دی قیادت کیتی۔
