اسلام آباد۔28مارچ(اے پی پی)وزیراعظم محمد شہباز شریف آکھیے جو اتحاد و اتفاق نال پاکستان دے معاشی و معاشرتی چیلنجز اتے دہشت گردی تے قابو پیسوں، علماء کرام دہشتگردی مکاوݨ کیتے کردار ادا کرن، ذاتی مفادات کوں قومی مفادات تے اڳونہا کرݨ پاکستان کیتے ݙتیاں ونڄݨ آلیاں قربانیاں نال بے وفائی آلی ڳالھ اے۔ اے ڳالھ انہاں “رب ذوالجلال کا احسان ۔ پاکستان ڈے ” سانڳے وزارت اطلاعات و نشریات ولوں تقریب نال خطاب اچ آکھی۔ اے تقریب جمعۃ الوداع بالخصوص رمضان المبارک دی 27 ویں شب سانڳے کیتی ڳئی ہئی۔ تقریب اچ وفاقی وزراء، اراکین پارلیمنٹ، اسلامی ممالک دے سفیراں، علماء کرام پورے ملک توں سارے مکاتب فکر دے لوکاں اتے نوجواناں شرکت کیتی۔ وزیراعظم محمد شہباز شریف آکھیا جو رمضان المبارک دے بابرکت مہینے اچ ﷲ تعالیٰ پاکستان دی شکل اچ ہک نعمت دا عظیم تحفہ ݙتے جیندے تے وݙا شکر اے، پاکستان دا قیام کہیں معجزے توں ڳھٹ نئیں، پاکستان دے قیام کیتے جدوجہد دی مثال ڳھٹ ہی ملدی اے، ایں نعمت دا شکر ایویں ہی ادا کریڄ سڳیندے جو اساں اپݨے اجداد دی عظیم قربانیاں اتے شہداء کوں خراج عقیدت پیش کروں جیندیاں قربانیاں نال پاکستان ٻݨیا ہا، اڄ 77 سال بعد انہاں قربانیاں دا تقاضا اے ہے جو آئو یکجان تھی تے پاکستان کوں درپیش معاشی، معاشرتی مسائل اتے دہشت گردی دا خاتمہ کروں، اایندے کیتے ہر کہیں کوں کردار ادا کرݨا ہوسی?? انہاں آکھیا جو ملک اچ تفریق اتے مذہبی منافرت یا ذاتی خواہشات سانڳے قومی مفاد قربان کرݨ دی سوچ انہاں قربانیاں نال بے وفائی اے، اڄ اتھاں ت??قی و خوشحالی دی بجائے اندرونی تفریق اے، ملکی استحکام، عزت اتے وقار دئو تے لایا ویندا پئے، حالی وی ویلھا اے جو پاکستان دے وسیع تر مفاد کیتے اپݨیاں ذاتی خواہشات اتے انا مٹا ݙیووں، ایں توں وݙی پاکستان دی کیا خدمت تھی سڳدی اے، ﷲ پاکستان کوں اپݨے دشمناں دے مقابلہ اچ بہادر فوج دے نال نال جوہری طاقت نال وی نوازیے، کوئی وی دشمن پاکستان دو میلی اکھ نال نعیں ݙیکھ سڳدا، ملک اچ باصلاحیت افراد دی کمی کائنی، ودھ قدرتی وسائل وی ہین?? انہاں آکھیا جو پاکستان اچ دہشت گردی دے تانے بانے ٻہوں پریں تئیں ویندن، انہاں دہشتگرداں کوں جتھو مالی امداد اتے شہہ ملدی اے ایندا ہک مقصد اے جو کہیں طریقے پاکستان دے قدرتی وسائل تے قبضہ کریڄے، اینڄھی سوچ رکھݨ آلے عقل دے اندھے ہین، اے پاکستان دے دشمن اتے ایجنٹ ہین ڄیکوں پاکستان دی ت??قی و خوشحالی ہک اکھ نئیں ٻھاندی، اڄ دے ݙینھ ساکوں فیصلہ کرݨا ہوسی جو کے تئیں اے رت وہائی ویندی رہسی، کے تئیں ساݙی افواج اتے قانون نافذ کرݨ آلے اداریاں دے جوان اپݨی جاناں دی قربانیاں ݙیندے رہسن۔ اڄ اللہ توں معافی منڳوں، قوم دے اتحاد و خوشحالی کیتے ذاتی اختلافات دفن کروں، قائداعظم اتے علامہ اقبال اینڄھے پاکستان دا خواب ݙٹھا ہا جتھاں ہر کوئی اپݨی مذہبی آزادی برقرار رکھ سڳے، پاکستان اینڄھی ریاست ٻݨے جیندے اچ ??قل??تاں وی آزاد ہوون اتے انہاں دے حقوق دا تحفظ ہووے، آزادی دا مقصد اسلامی نظریہ اے جیندا تحفظ ٻہوں ضروری اے، ڄیکر اساں اڄ قرآن کریم دے احکامات، رسول اللہ دے اسوہ حسنہ اتے اپݨے عظیم محسناں دی تعلیمات تے ٹرݨ دا فیصضہ کر ڳھنوں تاں کوئی رکاوٹ نئیں آسڳدی اتے تیکھے قوم ڄق اچ اپݨا مقام حاصل کر ڳھنسی، معاشی آزادی دے بغیر سیاسی آزادی ممکن نئیں، ڄیکر اساں اپݨے پیریں تے کھڑا تھیوݨے تاں ہر اولھ پار کرݨا ہوسی اتے ݙینھ رات محنت کرݨی ہوسی۔
