اسلام آباد۔ 28 جون (اے پی پی) وفاقی وزیر سائنس و ٹیکنالوجی خالد حسین مگسی آکھیے جو دنیا پاکستان کوں ہک ذمے وار اَتے پُرامن ریاست دے طور تے تسلیم کریندی پئی اے، پاکستان دی مثبت سفارتی حکمت عملی عالمی سطح تے پذیرائی حاصل کریندی پئی اے، افواجِ پاکستان دنیا تے واضح کر ݙتا جو ریاستی خودمختاری تے کوئی سمجھوتہ نہ ہوسی، پاکستان اَتے برطانیہ دے تعلقات سانجھے اعتماد اَتے احترام تے مبنی ہن۔اے ڳالھ وفاقی وزیر سائنس و ٹیکنالوجی خالد حسین مگسی برطانوی ہائی کمیشن دے سٹریٹجک انگیجمنٹ سربراہ کرومک ڈریلن نال ملاقات اچ آکھی ۔ وزارتِ سائنس و ٹیکنالوجی توں جاری اعلامیہ موجب ، ملاقات اچ خطے اچ استحکام تے ڳالھ مہاڑ کیتی ڳئی۔ خالد حسین مگسی آکھیا جو پاکستان اَتے برطانیہ دے تعلقات سانجھے اعتماد اَتے احترام تے قائم ہن ۔ انہاں آکھیے جو بین الاقوامی برادری دا پاکستان تے اعتماد مسلسل ودھدا پئے، دنیا پاکستان کوں ہک ذمے وار اَتے پُرامن ریاست دے طور تے تسلیم کریندی پئی اے۔ وفاقی وزیر خالد حسین مگسی آکھیے جو پاکستان دی مثبت سفارتی حکمت عملی عالمی سطح تے پذیرائی حاصل کریندی پئی اے۔ انہاں مزید آکھیے جو افواجِ پاکستان دنیا تے واضح کر ݙتا جو ریاستی خودمختاری تے کوئی سمجھوتہ نہ ہوسی، ریاستی خودمختاری دے تحفظ اچ افواجِ پاکستان دا غیر متزلزل عزم دنیا دے سامݨے آیا۔ خالد حسین مگسی آکھیا جو بین الاقوامی سطح تے کشمیر دا مسئلہ ہک واری ول مرکزِ توجہ بݨ ڳئے۔ وفاقی وزیر آکھیے جو پاکستان عالمی برادری دے نال رل تے خطے اچ استحکام چاہندے۔
.jpg)
