اسلام آباد۔ 11 جون(اے پی پی)وفاقی وزیر اطلاعات و نشریات عطاء اللہ تارڑ اَتے وزیراعظم دے میڈیا کوآرڈینیٹر بدر شہباز وڑائچ سینیئر اینکر فریحہ ادریس دی والدہ دے انتقال تے مکاوݨ ݙیوݨ انہاں دے گھر ڳئن۔ انہاں مرحومہ دے اہل خانہ نال تعزیت اَتے ہمدردی کیتی۔ ݙوہاں رہنماواں مرحومہ دے ایصال ثواب کیتے فاتحہ خوانی کیتی۔ ایں موقع تے الیندے وفاقی وزیر اطلاعات آکھیا جو والدہ دا انتقال فریحہ ادریس کیتے ناقابل تلافی نقصان اے، مرحومہ دے انتقال نال پیدا تھیوݨ آلا خلا تادیر پُر نہیں تھی سڳسی، سوگوار خاندان دے ݙُکھ وچ برابر دے شریک ہیں۔ وفاقی وزیر اطلاعات عطاء اللہ تارڑ اَتے وزیراعظم دے میڈیا کوآرڈینیٹر بدر شہباز وڑائچ مرحومہ دے درجات دی بلندی اَتے لواحقین کیتے صبر جمیل دی دعا کیتی۔ ایں موقع تے پرنسپل انفارمیشن آفیسر مبشر حسن وی موجود ہن۔
