اسلام آباد -12 آگسٽ (اي پي پي) قومي اسيمبلي جي اسپيڪر سردار اياز صادق چيو آهي، ته عورتن کي مڪمل طور تي بااختيار بڻائڻ کان سواءِ گرين اڪانامي ۽ پائيدار ترقي جو خواب پورو نٿو ٿي سگهي، اميد آهي ته جينڊر ايمپاورمينٽ ۽ گرين اڪانامي جي موضوع تي منعقد ڪانفرنس اسان جي ڪوششن جي حاصلات ۾ مددگار ثابت ??يندي. ڪانفرنس کي خطاب ڪندي اسپيڪر جاپان جي مملڪتي وزير توشيڪو آبي سميت سمورن ڏيهي ۽ پرڏيهي نمائندن جي آجيان ڪندي چيو ته عورتون اسان جي آبادي جو هڪ وڏو حصو آهن، جن کي خودمختيار بڻائڻ کان سواءِ گرين اڪانامي ۽ پائيدار ترقي جو هدف حاصل ڪرڻ جو خواب پورو نٿو ٿي سگهي، عورتن کي بااختيار بڻائڻ ۽ پائيدار ترقي حاصل ڪرڻ لاءِ اجتماعي ڪوششن جي ضرورت آهي، پاڪستان جي پارليامينٽ ان سلس??ي ۾ پنهنجو ڀرپور ڪردار ادا ڪري رهي آهي، پاڪستان جي پارليامينٽ ۾ جينڊر مين اسٽريمنگ ڪميٽي جو قيام ملڪ ۾ عورتن کي بااختيار بڻائڻ ۾ اهم ثابت ??يندو. هن چيو ته عورتن خلاف اعتراض جوڳن لفظن جو استعمال قبولڻ جوڳو ناهي. موسمياتي تبديلين جو ذڪر ڪندي هن چيو ته اهو هڪ اهم عالمي مسئلو آهي، پاڪستان سڀ کان وڌيڪ متاثر ٿيندڙ ملڪن ۾ شامل آهي، ان کي منهن ڏيڻ لاءِ هر سطح تي قدم کڻڻ جو سلسلو جاري آهي، گرين اڪانامي جي سلس??ي ۾ وفاقي حڪومت طرفان بلوچستان ۾ اربين روپين جي شمسي توانائي جي منصوبي جي شروعات ڪئي وئي آهي جيڪو موسمياتي تبديلي کي منهن ڏيڻ ۾ هڪ اهم قدم آهي.هن چيو ته موسمياتي تبديلي بابت ??زيراعظم جي ڪو آرڊينيٽر رومينه خورشيد عالم کي ان اهم مسئلي تي ريجنل ڪانفرنس منعقد ڪرڻ تي مبارڪون ڏيندي اسپيڪر اميد ظاهر ڪئي ته اها ڪانفرنس اسان جي ڪوششن جي حاصلات ۾ مددگار ثابت ??يندي.
