راولپنڈی۔8اگست (اے پی پی) سکیورٹی فورسز بلوچستان دے ضلع ژوب اچ 33 بھارتی حمایت یافتہ خارجیاں کوں جہنم واصل کرݙتا۔ آئی ایس پی آر ولوں جاری بیان موجب سکیورٹی فورسز بلوچستان دے ضلع ژوب دے علاقے سمبازہ اچ 7 اتے 8 اگست دی وچلی رات بھارتی پراکسی فتنے الخوارج نال تعلق رکھݨ آلے خارجیاں دے ہک وݙے گروہ دی نقل و حرکت دا پتہ لاتا جیڑھے پاک-افغان سرحد دے رستے دراندازی دی کوشش کریندے پئے ہن۔ پاک فوج دے نینگراں جرأت مندانہ اتے مؤثر طریقے نال انہاں دی دراندازی دی کوشش کوں ناکام بݨایا اتے 33 بھارتی حمایت یافتہ خارجیاں کوں جہنم واصل کر ݙتا۔ ہلاک دہشت گرداں توں ہتھیار، گولہ بارود اتے دھماکہ خیز مواد دا ہک وݙا ذخیرہ وی برآمد کیتا۔ علاقے اچ ٻئے خارجیاں کوں مکاوݨ کیتے سینی ٹائزیشن آپریشن جاری اے۔ پاکستانی سکیورٹی فورسز ملک دیاں سرحداں دے دفاع اتے ملک توں بھارتی حمایت یافتہ دہشت گردی دی لعنت کوں مکاوݨ کیتے پرعزم اے۔
.jpg)
