اسلام آباد۔15جولائی(اے پی پی) وفاقی وزیر موسمیاتی تبدیلی و ماحولیاتی ہم آہنگی ڈاکٹر مصدق ملک نال ملٹی کنٹری پراجیکٹ “سپار 6 سی” (SPAR6C) دے ہک اعلیٰ سطحی وفد ملاقات کیتی اے۔ “سپار 6 سی” عالمی منصوبہ اقوام متحدہ دے ماحولیاتی پروگرام (یو ??ین ای پی) دے تحت بݨایا ڳئے جیں دا مقصد پاکستان سودھے ٻئے شراکت دار ملکاں کوں بین الاقوامی کاربن مارکیٹس وچ موثر شمولیت سانڳے لوڑھ دی استعداد ݙیوݨ اے۔ وزارت موسمیاتی تبدیلی و ماحولیاتی ہم آہنگی دے مطابق، اے پنج سالہ پروگرام پاکستان، کولمبیا، تھائی لینڈ اتے زیمبیا وچ آرٹیکل 6 دے تقاضیں موجب تیاری اتےعملی اقدامات دی معاونت کریندا پئے۔ملاقات دے دوران پاکستان وچ آرٹیکل 6 دے تحت تیاری دے مختلف پہلوواں تے ڳالھ ??ہا?? کیتی ڳئی اتے خاص طور تے طلباء سانڳے جاری معاونتی پروگرام دے امکانات تے وی غور کیتا ڳئے۔ ایں سلسلے وچ انہاں پاکستانی طلباء دی صلاحیتاں کوں قومی سطح تے استعمال کرݨ تے ڳالھ ??ہا?? تھئی جنہاں آرٹیکل 6 دے حوالے نال تحقیق اتے تربیت مکمل کیتی اے۔ شرکاء پاکستان وچ جاری اتے آندے ممکنہ کاربن ٹریڈنگ منصوبیں اتے ٻئے موقعیں دا وی جائزہ ڳھدا۔ ایں موقع تے وفاقی وزیر پاکستان وچ ہک مضبوط، شفاف اتے جامع کاربن مارکیٹ دے قیام سانڳے وزارت دے عزم دا اعادہ کیتا۔ انہاں آکھیا جو سپار 6 سی جہیں بین الاقوامی ترقیاتی شراکت داراں نال قریبی تعاون دے نال نال ملکی نجی شعبے کوں وی ایں عمل ??چ شامل کیتا ویسی تاں جو قومی موسمیاتی اہداف دے حصول اتے پائیدار معاشی ترقی کوں یقینی بݨایا ونڄ سڳے۔
